Во чест на најголемата Македонска и балканска ѕвезда Тоше Проески, младите таленти учениците од ООУ „Дедо Иљо Малешевски“ од Берово организираа музички хепенинг на кој беа изведени песни од Тоше кои оставија длабоки корени во македонската музичка историја.
Најголемите хитови на Тоше прозвучија низ холот на основното училиште придружувани од кореографиите на танчерските групи од училиштето но и од талентираните ученици кои преку своите гласови ја пренесоа магијата на песните од Тоше.
Преку пораката на Тоше „Ве сакам сите“ и кореографиите и изведбата на неговите најголеми хитови, се одбележаа 7-те години од естрадата без него, но и 7-те години од незаборавот на она кое што го остави зад себе, бидејќи Тоше и понатаму останува да живее помеѓу нас.