Преку овој предмет учениците се запознаваат и со функционирањето на општините во Република Македонија заради што ученици од ООУ „Дедо Иљо Малешевски“ од Берово беа во посета на општинската зграда каде се сретнаа со градоначалникот на општина Берово Драги Наџински.
На оваа своја посета на општинската зграда, учениците беа запознаени со значењето на институцијата градоначалник и  Совет на Општина Берово, нивната функција и начинот на нивното функционирање.
Својата љубопитност ја задоволија и со поставување на неколку прашања и констатации со кои сакаат да придонесат кон позитивен развој кон општината.
На крајот на посетата, учениците ја искажаа својата благодарност на градоначалникот за можноста да бидат примени во општинската зграда, со неколку подароци, цветни оригами изработени од самите ученици.