По повод Денот на Европските јазици, денес во просториите на ООУ „Дедо Иљо Малешевски“ се одржа интересна квиз-работилница со натпреварувачки дух. Учество зедоа учениците од осмо одделение заедно со наставничките по англиски јазик, Александра Буровска и Сања Везенковска.

Учениците работеа во групи, поттикнувајќи ги своите другарчиња да се придружат, покажувајќи ја важноста на соработката и тимската работа. Оваа активност не само што ги збогати нивните знаења за европските држави, туку и ги прошири нивните вокабуларни познавања за разни традиционални игри, јадења, знаменитости и култури на европските народи.

Горди сме на нашите ученици, кои прекрасно подготвија и презентираа, натпреваруваа и навиваа. Оваа работилница покажа колку е важно да се поттикнуваат креативноста и соработката, а ние со нетрпение очекуваме уште вакви настани. Продолжуваме со исто темпо да ги охрабруваме нашите ученици да ги развиваат своите способности преку вакви видови на работилници, натпревари и квизови.