Денес, 7 мај, по повод Денот на македонската полиција, нашите ученици и вработени беа дел од еден навистина убав настан кој се одржа на градскиот плоштад во Берово.

Во рамки на одбележувањето на празникот, полициските службеници од Берово одржаа презентација. Децата имаа ретка и многу интересна можност одблизу да се запознаат со полициската опрема, да поставуваат прашања и да научат нешто повеќе за секојдневната и одговорна работа на полицијата.

Во знак на почит и искрена благодарност за грижата и безбедноста што ни ја пружаат секој ден, нашите ученици на полициските службеници им подарија креативни цртежи и пораки кои самите ги изработија.

Ова беше одлична прилика за едукација низ дружење и за градење на довербата помеѓу младите и полицијата уште од најрана возраст. На сите припадници на полицијата им го честитаме нивниот празник!